भारताची संस्कृती काही पानांत सामावणे अवघडच. या संस्कृतीची तोंडओळख करून देण्याचे काम सांस्कृतिक भारत हे डॉ. सुधीर देवरे यांचे पुस्तक करते. यात देशातील सर्व राज्ये, तेथील भाषा, लोकसंख्या, विभाग आदींची माहिती आहे. विशेषतः ईशान्येकडील राज्ये, तेथील जाती-जमाती आणि प्रमुख बोलीभाषा यांची सविस्तर माहिती पुस्तकात मिळते.
हे पुस्तक पर्यटकांसाठी उपयुक्त आहेच; पण स्पर्धा परीक्षा तसेच अभ्यासकांसाठीही उपयुक्त आहे. सर्व राज्ये व केंद्रशासित प्रदेशांचे प्रमाणित नकाशे पुस्तकात देण्यात आले आहेत. पुस्तकाच्या शेवटी देशाची एकत्रित सांस्कृतिक माहिती देण्यात आली आहे. त्यात प्रमुख शहरे, भाषा, थोडक्यात इतिहास यांचा समावेश आहे. विविध राज्यांतील पर्यटनस्थळांचाही उल्लेख या विभागात करण्यात आला आहे.
प्रकाशक : मेनका प्रकाशन
पाने : १४१
किंमत : २०० रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)
